Putin: ABŞ nümayəndə heyəti yaxın vaxtlarda Moskvaya səfər edəcək
Rusiya Prezidenti Vladimir Putin bildirib ki, ABŞ və İran arasında əldə olunan razılaşmadan sonra Vaşinqtonun nümayəndə heyətinin Moskvaya səfəri gözlənilir.
Crossmedia.az xarici KİV-ə istinadən xəbər verir ki, bu barədə Putin danışıb.
Onun sözlərinə görə, İran istiqamətində aktiv mərhələ başa çatdıqdan sonra ABŞ hökumətinin nümayəndələri Moskvaya gələcəklər.
“Bütün bu proseslər bitdikdən, İran istiqamətindəki aktiv mərhələ başa çatdıqdan sonra ABŞ hökumətinin nümayəndələrinin, Moskvada dəfələrlə görüşdüyümüz eyni insanların gəlişini görəcəyik”, – o bildirib.
Putin əlavə edib ki, Moskva Vaşinqtonla dialoqu davam etdirməyə və bütün məsələləri ətraflı müzakirə etməyə hazırdır.
12:32 29.06.2026
Oxunuş sayı: 54
