İran Hörmüz boğazı ilə bağlı yeni keçid qaydalarını açıqlayıb
İranın Ali Milli Təhlükəsizlik Şurası Hörmüz boğazından keçən gəmilərlə bağlı yeni şərtləri açıqlayıb.
Crossmedia.az xəbər verir ki, bu barədə xarici mənbə yazıb.
Bəyanata əsasən, ABŞ ilə əldə olunan qarşılıqlı anlaşma memorandumu çərçivəsində 60 gün müddətində boğazdan keçən kommersiya gəmilərindən heç bir rüsum tutulmayacaq.
Qurumun məlumatına görə, dəniz marşrutundan istifadə etmək istəyən gəmilər müraciətlərini İranın Fars körfəzinə nəzarət idarəsinə (PGSA) təqdim etməlidirlər.
Eyni zamanda qeyd olunub ki, təhlükəsizliyin təmin edilməsi və dənizdə mümkün insidentlərin qarşısının alınması məqsədilə gəmilər əvvəlcədən müəyyən edilən marşrut və vaxt cədvəlinə uyğun hərəkət etməlidirlər.
Bəyanatda həmçinin Hörmüz boğazının minalardan təmizlənməsi məsələsinə də toxunularaq, razılaşmalara uyğun şəkildə bütün zəruri tədbirlərin görüləcəyi bildirilib.
11:35 19.06.2026
Oxunuş sayı: 53
