Körfəz ölkələri İrana 300 milyard dollarlıq dəstək verə bilər
Fars körfəzi ölkələri İranda yenidənqurma işləri və iqtisadiyyatın bərpası üçün yaradılması nəzərdə tutulan iri maliyyə fonduna əsas dəstək verə bilər.
Crossmedia.az “Fox News” telekanalına istinadən xəbər verir ki, söhbət təxminən 300 milyard dollarlıq yenidənqurma fondundan gedir.
Məlumata əsasən, ABŞ bu prosesdə birbaşa iştirak etməyəcək. Bunun əvəzində Vaşinqton lisenziyalar, xüsusi icazələr və müqavilələr vasitəsilə İranda fəaliyyət göstərən şirkətlər və layihələr üzərində nəzarət mexanizmlərini qoruyub saxlayacaq.
Bildirilir ki, yenidənqurma və iqtisadi bərpa layihələrinə əsas investisiyalar region ölkələri tərəfindən yönəldiləcək.
Eyni zamanda qeyd olunur ki, yekun razılaşma imzalanana qədər ABŞ Yaxın Şərqdəki hərbi mövcudluğunu azaltmağı planlaşdırmır. Məlumata görə, bölgədə iki aviadaşıyıcı zərbə qrupunun saxlanılması nəzərdə tutulur.
16:35 18.06.2026
Oxunuş sayı: 42
