Xarici xəbərlər

Almaniya: NATO-ya hücum olarsa, dərhal cavab verməyə hazırıq

Almaniya Hərbi Hava Qüvvələrinin komandanı Holger Noyman bəyan edib ki, Rusiya NATO ölkələrinə hücum edəcəyi təqdirdə Almaniya ordusu dərhal döyüş əməliyyatlarına qoşulmağa hazırdır.

Crossmedia.az bu barədə UNİAN-a istinadən xəbər verir.

Noymanın sözlərinə görə, hərbi qüvvələr istənilən anda əməliyyatlara başlamaq üçün hazırlıq vəziyyətində saxlanılır.

“Əgər indi mənə zəng edib uyğun vəziyyətin yarandığını desələr, dərhal hazır olmalıyıq. Biz buna hazırıq”, – deyə o bildirib.

Komandan qeyd edib ki, mümkün münaqişə zamanı hədəflər arasında Rusiyanın Kalininqrad vilayəti, Kola yarımadası, Sankt-Peterburq ətrafı və Rusiya donanmasının yerləşdiyi Qara dəniz akvatoriyası ola bilər.

Noyman əlavə edib ki, Almaniya hazırda hava hücumundan müdafiə imkanlarını genişləndirir və Patriot, IRIS-T və Arrow 3 sistemlərinin ehtiyatlarını artırır.

🖨 Çap et

20:47 15.06.2026

Oxunuş sayı: 48