Böyük Britaniya 16 yaşdan kiçik uşaqlar üçün sosial şəbəkələri qadağan edir
Böyük Britaniyanın Baş naziri Keir Starmer hökumətin 16 yaşdan aşağı uşaqların sosial şəbəkələrə çıxışını qadağan etmək qərarı qəbul etdiyini açıqlayıb.
Crossmedia.az bu barədə xarici mediaya istinadən xəbər verir.
Starmer bildirib ki, müasir texnologiyalar gənclərin həyatına dərin şəkildə nüfuz edib və sosial şəbəkələr onların psixi sağlamlığına mənfi təsir göstərir. Onun sözlərinə görə, minlərlə valideyn övladlarının sosial mediadan asılı vəziyyətə düşdüyünü, bunun isə yuxu rejiminin pozulmasına, ailə ilə keçirilən vaxtın azalmasına və digər problemlərə səbəb olduğunu qeyd edir.
Baş nazir vurğulayıb ki, qərar asan qəbul edilməyib. Hökumət məsələni uzun müddət araşdırdıqdan və mövcud sübutları qiymətləndirdikdən sonra bu addımı atmağa qərar verib.
Starmer əlavə edib ki, təşəbbüs bəzi böyük texnologiya şirkətlərinin müqaviməti ilə qarşılaşacaq, lakin hökumət uşaqların təhlükəsizliyini prioritet hesab edir və qərarın həyata keçirilməsində israrlı olacaq.
Onun sözlərinə görə, sosial şəbəkələrin uşaqların xoşbəxtliyinə və təhlükəsizliyinə mənfi təsiri getdikcə daha aydın görünür və dövlət bu prosesə biganə qala bilməz. Uşaqların daha təhlükəsiz rəqəmsal mühitdə böyüməsi üçün tədbirlərin görülməsi zəruridir.
18:30 15.06.2026
Oxunuş sayı: 54
