Xarici xəbərlər

İran–ABŞ razılaşması “müqavimətin qələbəsi” kimi təqdim edilib

İran və ABŞ arasında əldə olunduğu bildirilən razılaşma memorandumuna münasibət Tehran tərəfindən İran xalqının müqavimətinin nəticəsi kimi qiymətləndirilib.

Crossmedia.az bu barədə xarici mediaya istinadən xəbər verir.

İran Xarici İşlər Nazirliyinin sözçüsü İsmayıl Bəqayi mətbuat konfransında bildirib ki, son günlər baş verən proseslər İranın uzunmüddətli siyasi və hərbi müqavimətinin nəticəsidir. Onun sözlərinə görə, əldə olunan razılaşma xalqın əzmkarlığının məhsuludur.

Bəqayi iddia edib ki, son 110 gün ərzində İran həm diplomatik, həm də hərbi sahədə mövqeyini qoruyub və bu prosesdə cəmiyyətin dəstəyi mühüm rol oynayıb. O, həmçinin ABŞ və İsraili İrana qarşı təzyiq və hərbi əməliyyatlarda ittiham edib.

Onun sözlərinə görə, İran Xarici İşlər Nazirliyi ilə ABŞ arasında əldə olunan memorandumda nüvə proqramının detalları tam əks olunmayıb və əsas məsələlərin gələcək danışıqlara saxlanıldığı bildirilir.

Bəqayi əlavə edib ki, 60 günlük müddət ərzində tərəflər nüvə proqramı və sanksiyaların mərhələli şəkildə aradan qaldırılması ilə bağlı müzakirələri davam etdirəcəklər. O, həmçinin İranın zənginləşdirmə fəaliyyəti ilə bağlı mövqeyinin dəyişməz qaldığını vurğulayıb.

🖨 Çap et

17:53 15.06.2026

Oxunuş sayı: 39