Amerikalı analitik: Bu, ABŞ üçün dərin strateji məğlubiyyətdir
Təqaüddə olan ABŞ ordusunun polkovniki və siyasi analitik Deniel Davis mövcud geosiyasi vəziyyəti Vaşinqton üçün “dərin strateji məğlubiyyət” kimi qiymətləndirib.
Crossmedia.az xarici mediaya istinadən xəbər verir ki, Davis bildirib ki, ABŞ prezidenti Donald Trampın “uğur” kimi təqdim etməyə çalışdığı proses əslində Vaşinqtonun bölgədə gözlədiyi nəticələri əldə edə bilmədiyini göstərir. Onun sözlərinə görə, Hörmüz boğazının statusu, sanksiyalar və İranın dondurulmuş aktivləri ilə bağlı vəziyyət əsaslı dəyişiklik olmadan qalır.
Analitik əlavə edib ki, münaqişə dövründə baş verən itkilər və regiondakı ABŞ hərbi mövcudluğu da ciddi nəticələrə gətirib çıxarmayıb. Onun fikrincə, əldə olunan şərtlər ABŞ-nin bölgədəki mövqeyini zəiflədə və gələcəkdə qüvvələrin çıxarılması kimi addımlara yol aça bilər.
“Necə baxsanız da, bu, ABŞ üçün dərin strateji məğlubiyyətdir”, – deyə Davis vurğulayıb.
11:00 15.06.2026
Oxunuş sayı: 51
