Azərbaycan icması Əbu Dabidə təmizlik aksiyasında iştirak edib
Birləşmiş Ərəb Əmirliklərindəki Azərbaycan icması Əbu Dabi Şəhər Bələdiyyəsinin təmizlik aksiyasında iştirak edib.
Crossmedia.az bu barədə Diasporla İş üzrə Dövlət Komitəsi-nə istinadən məlumat verir.
"Family Park A"-da keçirilən aksiyada Ərəb Ölkələrində yaşayan Azərbaycanlıların Koordinasiya Şurasının BƏƏ üzrə koordinatoru Nuranə Hüseynovanın təşəbbüsü ilə soydaşlarımız təmizlik işləri aparıb.
Üzərində Azərbaycan və BƏƏ-nin bayrağı olan köynəklər geyinmiş soydaşlarımız “Təmiz parklar, işıqlı sabahlar” şüarı ilə 2024-cü ilin “Yaşıl Dünya naminə Həmrəylik İli” elan edilməsini, həmçinin “COP29”-u diqqətə çatdırıb.
Şəhər Bələdiyyəsi aksiyada aktiv iştiraka görə Azərbaycan icmasının üzvlərinə təşəkkür edib.
16:50 18.12.2024
Oxunuş sayı: 5362
