Tramp: İranla razılaşma bombardmandan daha güclü nəticə verə bilər
ABŞ prezidenti Donald Tramp İranla bağlı yeni açıqlama verib.
Crossmedia.az bu barədə xarici mediaya istinadən xəbər verir.
O bildirib ki, Tehranla bağlı vəziyyətdə iki seçim mövcuddur: razılaşma və ya hərbi əməliyyat. Trampın sözlərinə görə, ABŞ istəsə, qısa müddətli bombardmanlarla İranın ciddi şəkildə zərər görməsi mümkündür, lakin bu, böyük insan itkilərinə və uzunmüddətli nəticələrə səbəb ola bilər.
“Bombalamaqla iki-üç həftə ərzində böyük dağıntı yaratmaq olar, ancaq bu, çoxlu insan itkisinə səbəb olar. Mən bunu istəmirəm,” — deyə o qeyd edib.
Tramp əlavə edib ki, onun fikrincə, ən effektiv nəticə hərbi əməliyyat deyil, İranla imzalanacaq razılaşmadır.
O həmçinin hazırkı mərhələdə müəyyən blokada siyasətinin davam etdiyini və bunun təsirinin artıq hiss olunduğunu vurğulayıb.
18:48 09.06.2026
Oxunuş sayı: 53
