Xarici xəbərlər
Nüvə yarışında liderlər bəlli oldu
2026-cı ilin yanvar ayına olan qiymətləndirmələrə əsasən, dünyada təxminən 12 187 nüvə başlığı mövcuddur.
Crossmedia.az xəbər verir ki, bu barədə məlumatı Stockholm Beynəlxalq Sülh Araşdırmaları İnstitutu (SIPRI) yayıb.
Hesabata görə, nüvə arsenalının həcminə görə dünyada ilk yeri Rusiya tutur. Rusiyanın təxminən 5 420 nüvə başlığı var. ABŞ isə 5 042 nüvə başlığı ilə ikinci sıradadır.
Məlumata əsasən, hər iki ölkə 1 550 strateji nüvə başlığına malikdir. START müqaviləsinin məhdudiyyətləri nəzərə alınmadıqda isə ABŞ-ın 1 770, Rusiyanın isə 1 720 strateji nüvə başlığı olduğu bildirilir.
Digər nüvə dövlətlərinin arsenalı belə qiymətləndirilir:
* Çin – 620 nüvə başlığı;
* Fransa – 370 nüvə başlığı;
* Böyük Britaniya – 225 nüvə başlığı;
* Hindistan – 190 nüvə başlığı;
* Pakistan – 170 nüvə başlığı;
* İsrail – 90 nüvə başlığı;
* Şimali Koreya – 60 nüvə başlığı.
Hesabatda qeyd olunur ki, dünyanın iki ən böyük nüvə dövləti olan Rusiya və ABŞ birlikdə qlobal nüvə başlıqlarının təxminən 86 faizinə sahibdir.
Ekspertlər hesab edirlər ki, son illərdə beynəlxalq təhlükəsizlik mühitində artan gərginlik fonunda bir sıra ölkələr nüvə potensialını artırmağa davam edir.
22:50 08.06.2026
Oxunuş sayı: 300
