Xarici xəbərlər
Tusk Zelenski və Navrotskini birbaşa danışığa çağırıb
Polşanın Baş naziri Donald Tusk Polşa Prezidenti Karol Navrotski və Ukrayna həmkarı Volodimir Zelenskiyə müraciət edərək onları birbaşa və açıq danışığa çağırıb.
Crossmedia.az xəbər verir ki, bu barədə xarici KİV məlumat yayıb.
Donald Tusk bildirib ki, Ukrayna hərbi birləşmələrindən birinə Ukrayna Üsyançılar Ordusunun qəhrəmanlarının adının verilməsi ilə bağlı yaranmış qalmaqal ətrafında aparılan diplomatik səylər heç bir nəticə verməyib
“Karol Navrotski və Volodimir Zelenskiyə açıq müraciət edirəm. Emosiyalar Rusiya təhlükəsi qarşısında formalaşmış həmrəyliyimizi məhv etməmişdən əvvəl birbaşa və səmimi söhbət aparın. Əməkdaşlıq hər iki dövlətin və xalqın maraqlarına uyğundur, qarşıdurma isə Moskvanın maraqlarına xidmət edir. Düşünürəm ki, bu, hamımız üçün aydındır”, – deyə Polşa hökumətinin başçısı qeyd edib.
Məlumata görə, bu gün Polşanın ən yüksək dövlət mükafatı olan Ağ Qartal Ordeninin kapitulunun iclası keçiriləcək. Karol Navrotski Volodimir Zelenskinin həmin ordenlə təltif olunmaq hüququndan məhrum edilməsi məsələsinin gündəliyə daxil edilməsini təklif edib.
18:00 08.06.2026
Oxunuş sayı: 225
