Rusiya Ermənistandakı seçkiləri hədəfə aldı – Qalmaqallı açıqlama
Rusiya Dövlət Dumasının Beynəlxalq Əlaqələr Komitəsinin sədri Leonid Slutski Ermənistanda keçirilən parlament seçkilərinin nəticələrini tənqid edib.
Crossmedia.az xarici mediaya istinadən xəbər verir ki, rusiyalı deputat Baş nazir Nikol Paşinyanın rəhbərlik etdiyi "Vətəndaş Müqaviləsi" Partiyasının qələbəsinin “yalançı şəkildə qurulduğunu” iddia edib.
Slutskinin sözlərinə görə, seçkilər xaricdə səsvermənin məhdudlaşdırılması, müxalifətə təzyiqlər, senzura və media üzərində nəzarət fonunda keçirilib ki, bu da nəticələrin şəffaflığı ilə bağlı suallar yaradır.
O bildirib ki, bu amillər seçki nəticələrinin saxtalaşdırılması ehtimalı barədə şübhələri gücləndirir və Ermənistan cəmiyyətində parçalanmanı daha da dərinləşdirir.
Rusiya rəsmisi həmçinin qeyd edib ki, əgər Paşinyan ölkədə “anti-Rusiya” siyasətinin həyata keçirilməsinə şərait yaradarsa, Ermənistanın Ukraynanın keçdiyi yolla üzləşə biləcəyi riski mövcuddur.
Slutski seçkilərin nəticələrinin Ermənistanın gələcək siyasi kursuna və regiondakı geosiyasi vəziyyətə təsir göstərə biləcəyini də vurğulayıb.
17:28 08.06.2026
Oxunuş sayı: 54
