Xarici xəbərlər

Mirzoyan: Xaricdə yaşayanlar üçün səsvermə sisteminə yenidən baxılmalıdır

Ermənistanın xarici işlər naziri Ararat Mirzoyan uzun müddət ölkə xaricində yaşayan vətəndaşların səsvermə hüququnun yenidən nəzərdən keçirilməsini təklif edib.

Crossmedia.az xəbər verir ki, nazir hazırkı qanunvericiliyə əsasən, bir şəxsin illərlə başqa ölkədə yaşayıb daha sonra qısa müddətə Ermənistana gəlib seçkilərdə iştirak edə biləcəyini və bunun siyasi baxımdan mübahisəli yanaşma olduğunu qeyd edib.

Mirzoyanın sözlərinə görə, seçki sistemində daha ədalətli və məsuliyyətli mexanizmlərin tətbiqi vacibdir və qanunvericilik daim təkmilləşdirilməlidir.

O, qeyd edib ki, xaricdə yaşayan və ölkənin gündəlik ictimai-siyasi həyatında iştirak etməyən vətəndaşların qərarvermə prosesində rolu müzakirə olunmalıdır.

🖨 Çap et

18:42 07.06.2026

Oxunuş sayı: 55