Xarici xəbərlər
Qara dənizdə pilotsuz aparat partlayışı ilə bağlı yeni məlumat
Rumıniya hakimiyyəti Ukrayna mənşəli olduğu müəyyən edilən hərbi dəniz pilotsuz uçuş aparatının Konstansa limanı yaxınlığında partlaması ilə bağlı açıqlama verib.
Crossmedia.az xəbər verir ki, hadisə cümə günü Konstansa limanı ətrafında qeydə alınıb. Rumıniya rəsmiləri bildiriblər ki, ilkin araşdırmalar cihazın Ukraynaya məxsus olduğunu təsdiqləyib.
Bununla belə, Rumıniya prezidenti Nicușor Dan açıqlamasında Qara dənizdə yaranan təhlükəli vəziyyətə görə əsas məsuliyyətin Rusiya üzərində olduğunu vurğulayıb.
Rəsmi mövqeyə görə, regionda davam edən hərbi gərginlik və dəniz əməliyyatları Qara dənizdə təhlükəsizlik risklərini artırır və bu cür insidentlərin baş verməsinə şərait yaradır.
Qara dəniz bölgəsində gərginlik fonunda baş verən hadisə NATO ölkələrində təhlükəsizlik müzakirələrini yenidən gündəmə gətirib.
18:35 07.06.2026
Oxunuş sayı: 221
