Karapetyanın qərargahında olan şəxslərin saxlanıldığı açıqlanıb
Güclü Ermənistan blokunun nümayəndəsi Qohar Meloyan bildirib ki, naməlum maskalı şəxslər blokun Gümrüdə yerləşən qərargahına basqın ediblər.
Crossmedia.az xəbər verir ki, onun sözlərinə görə, basqın Rusiyapərəst mövqeyi ilə tanınan namizəd Samvel Karapetyanın qərargahına həyata keçirilib.
Meloyan iddia edib ki, maskalı şəxslər ofisə daxil olduqdan sonra içəridə olan bütün şəxsləri saxlayıblar.
Hadisənin səbəbləri və saxlanılan şəxslərin sayı barədə hələlik rəsmi məlumat verilməyib. Hüquq-mühafizə orqanları məsələ ilə bağlı açıqlama verməyib.
Qeyd edək ki, Samvel Karapetyan Ermənistanda siyasi proseslərdə iştirak edən və Rusiyaya yaxın mövqeyi ilə tanınan fiqurlardan biri hesab olunur. Hadisə ilə bağlı əlavə məlumatların açıqlanacağı gözlənilir.
16:52 07.06.2026
Oxunuş sayı: 292
