İlham Əliyev: Azərbaycanın həyata keçirdiyi enerji siyasəti bu gün də mühüm nəticələr verməkdədir
Azərbaycanın həyata keçirdiyi enerji siyasəti bu gün də mühüm nəticələr verməkdədir.
Crossmedia.az xəbər verir ki, bu barədə Prezident İlham Əliyevin "Bakı Enerji Həftəsi" iştirakçılarına müraciətində qeyd edib.
Prezident bildirib ki, cari il enerji sahəsində bir sıra əlamətdar hadisələrlə yadda qalır:
"Xüsusilə, "Şahdəniz" qaz yatağı üzrə Hasilatın Pay Bölgüsü Sazişinin imzalanmasının 30 illiyi və bu yataqdan kommersiya qaz hasilatına başlanmasının 20 illiyi Azərbaycanın qlobal enerji bazarında güclü mövqeyini və ölkəmizin enerji strategiyasının uğurla həyata keçirildiyini bir daha təsdiqləyir".
Dövlət başçısı qeyd edib ki, hazırda dünyada enerji sektoru dayanıqlı inkişafın əsas sütunlarından biridir:
"Müasir geosiyasi proseslər göstərir ki, enerji təhlükəsizliyinin etibarlı təminatı enerji mənbələrinin şaxələndirilməsi və innovativ texnologiyaların tətbiqi ilə birbaşa bağlıdır. Bu baxımdan, bərpa olunan enerji və aşağı karbon texnologiyalarına investisiyalar sürətlə artır. Enerji keçidi artıq yalnız ekoloji məsələ deyil, həm də iqtisadi təhlükəsizlik və rəqabətqabiliyyətlilik amilinə çevrilib".
11:33 01.06.2026
Oxunuş sayı: 49
