WUF13 Azərbaycanın beynəlxalq imicini gücləndirir - Hacı Nuran
Bu tədbir Azərbaycanın beynəlxalq imicinin formalaşdırılması baxımından çox önəmlidir.
Crossmedia.az xəbər verir ki, bunu Hacı Nuran Bakıda keçirilən WUF13 çərçivəsində təşkil olunmuş tədbirdə bildirib.
O, əlavə edib ki, son illər biz həqiqətən çox böyük bir fəaliyyət göstərmişik:
“Bildiyiniz kimi, Avropa Oyunları, İslam Həmrəyliyi Oyunları, Avroviziya və COP29 kimi böyük beynəlxalq tədbirlər ölkəmizdə keçirilib.
Bu tədbirlərin hər birinə gələn əcnəbilər, xarici turistlər və iştirakçılar Azərbaycana dair öz ölkələrinə müsbət təəssürat və məlumat aparırlar.
Onlar görürlər ki, həqiqətən belə bir ölkə var və Azərbaycan haqqında daha geniş təsəvvür formalaşır. Vaxt var idi ki, bizi xəritədə belə tapa bilmirdilər. Amma şükür Allaha, indi Azərbaycan öz sözünü deyib və özünü dünyaya tanıdıb.
Təxminən 50 minə yaxın iştirakçı qeydiyyatdan keçib və bu rəqəm gündən-günə artır. Bildiyiniz kimi, tədbir bir neçə gün davam edəcək. Məni xüsusilə, sevindirən odur ki, Afrikanın müxtəlif ölkələrindən nümayəndələr iştirak edir. Biz əvvəl onları yaxşı tanımırdıq, amma indi burada iştirak edir, yeni münasibətlər qururlar. Bir neçə səfirlə də - xüsusilə, Afrika ölkələrinin səfirləri ilə yeni tanışlıq oldu. Bu bizim üçün çox böyük bir uğurdur. Mən çox sevinirəm ki, bu, Azərbaycan üçün böyük bir reklamdır. Çünki biz həqiqətən qalib ölkəyik və müharibədən sonra daha da çox müsbət tərəfdən tanınmağa başlamışıq. Çox sevindirici haldır ki, bu tədbiri yüksək səviyyədə keçiririk. İnşallah, axırıncı günə qədər hər şey yaxşı keçər. Hamıya xeyirli və uğurlu olsun”.
Ayhan
16:03 20.05.2026
Oxunuş sayı: 73
