NATO Trampı məmnun etmək üçün Avropaya təzyiq göstərməyi planlaşdırır
NATO-nun baş katibi Mark Rutte Brüsseldə keçirilən görüşdə ABŞ prezidenti Donald Trampı məmnun etmək məqsədilə regionda müdafiə istehsalını artırmaq üçün Avropa müdafiə korporasiyalarına və agentliklərinə təzyiq göstərməyi planlaşdırır .
Crossmedia.az "Financial Times" qəzetinə istinadən xəbər verir.
Nəşr NATO sözçüsündən sitat gətirib: "Baş katib müdafiə qabiliyyəti ehtiyaclarımızı ödəmək üçün istehsalın, innovasiyanın və investisiyaların artırılmasını təşviq etmək məqsədilə Alyansın müxtəlif sahələrindən sənaye və maliyyə qurumları ilə müntəzəm olaraq görüşür".
Qəzetin məlumatına görə, Şimali Atlantika Alyansı müttəfiqlərin Yaxın Şərq münaqişəsində ABŞ-ni dəstəkləməməsi ilə bağlı Ağ Ev rəhbəri Donald Trampın qəzəbini azaltmaq üçün Vaşinqtonun müdafiə xərclərinin artırılması tələblərini ödəməkdə Avropa sənayesinin kömək etməsində maraqlıdır.
Qəzet Rheinmetall, Safran, Airbus, Saab, MBDA və Leonardo kimi korporasiyaların nümayəndələrinin görüşdə iştirak edəcəyini bildirib. Şirkətlərin məhsuldarlığını artırmaq üçün zavodların və işçi heyətinin sayının artırılması ilə yanaşı, hava hücumundan müdafiə və uzaqmənzilli raketlərin müzakirəsinə də xüsusi diqqət yetiriləcək.
22:35 16.05.2026
Oxunuş sayı: 50
