Daşkənddə Heydər Əliyevin 103-cü ildönümünə həsr olunmuş konsert təşkil edilib
Azərbaycan xalqının Ümummilli Lideri Heydər Əliyevin anadan olmasının 103-cü ildönümü münasibətilə Daşkənd şəhərində konsert proqramı təşkil olunub. Tədbir Azərbaycanın Özbəkistandakı səfirliyinin tabeliyindəki Heydər Əliyev adına Azərbaycan Mədəniyyət Mərkəzi tərəfindən həyata keçirilib.
Crossmedia.az xəbər verir ki, mərkəzdən bildirilib ki, tədbirdə Türk dünyasını təmsil edən şairlər, yazıçılar və incəsənət nümayəndələri iştirak ediblər.
Azərbaycanın Özbəkistandakı səfiri Hüseyn Quliyev Heydər Əliyevin müasir Azərbaycan dövlətinin qurulması və möhkəmləndirilməsi istiqamətində tarixi xidmətlərindən danışıb. Bildirilib ki, Ulu Öndərin uzaqgörən siyasəti Azərbaycanın müstəqilliyinin qorunmasına, ölkədə siyasi sabitliyin təmin olunmasına və dövlətçilik ənənələrinin güclənməsinə mühüm zəmin yaradıb.
Qeyd olunub ki, Heydər Əliyevin müəyyən etdiyi inkişaf strategiyası bu gün Prezident İlham Əliyev tərəfindən uğurla davam etdirilir və Azərbaycanın beynəlxalq mövqelərinin möhkəmlənməsinə xidmət edir.
Konsert proqramında Özbəkistanın və Azərbaycanın Xalq artisti Fərrux Zakirov, tanınmış azərbaycanlı gənc sənətçilər-müğənni və bəstəkar İsmayıl Zeynalov, eləcə də istedadlı pianoçu Müşfiq Quliyev çıxış ediblər.
12:20 13.05.2026
Oxunuş sayı: 61
