Xarici xəbərlər

Bəqayidən BƏƏ-yə sərt mesaj: Aslanın dişləri görünsə...

İran Xarici İşlər Nazirliyinin sözçüsü İsmayıl Bəqayi Fars körfəzi və Hörmüz boğazı ətrafında artan gərginlik fonunda diqqətçəkən açıqlama verib.

Crossmedia.az bu barədə xarici mediaya istinadən xəbər verir.

Bəqai ərəb dilində paylaşdığı mesajda “Əgər aslanın dişlərinin çıxdığını görsəniz, aslanın gülümsədiyini düşünməyin” ifadəsini işlədib. Onun bu sözləri regional mediada Birləşmiş Ərəb Əmirliklərinə yönəlmiş xəbərdarlıq kimi qiymətləndirilib.

Məlumata görə, açıqlama Hörmüz boğazı və Fars körfəzində son günlər baş verən qarşılıqlı insidentlər, eləcə də BƏƏ ərazisinə mümkün hücum iddiaları fonunda səsləndirilib.

Son günlər Fuceyrə limanı və BƏƏ-nin digər bölgələrinə hücumlarla bağlı xəbərlər yayılıb. Bölgədə raket və pilotsuz uçuş aparatları ilə bağlı qarşıdurmaların artması isə regional təhlükəsizlik vəziyyətini daha da gərginləşdirib.

🖨 Çap et

16:03 08.05.2026

Oxunuş sayı: 40