Erməni lobbisinin təsir altında olan Bayden administrasiyası
Bayden administrasiyasının son dövrdə səsləndirdiyi bəyanatlar və həyata keçirdiyi proqramlar Vaşinqtonun erməni lobbisinin təsiri altında olduğunu göstərir. Bu yanaşma bölgədəki siyasi balansı pozmağa və qərəzli mövqe nümayiş etdirməyə səbəb olur. Azərbaycanın maraqlarına zidd olan bu mövqelər regionda gərginliyin artmasına səbəb ola bilər.
Politoloq Qalib Ağayev mövzu ilə bağlı Crossmedia.az-a münasibət bildirib. Onun sözlərinə görə, “Bayden administrasiyasının edə biləcəyi heç bir məsələ qalmayıb. Onun əsas hədəfi erməni lobbisini qızışdırmaqdır. Hər zaman nəticələr və səbəblər bizim üçün önəmli olub. Bayden hakimiyyətinin problemləri hal-hazırda Yaxın Şərqdə və ən böyük məsələ isə Ukraynadadır. Elə hesab edirəm ki, bu provokasiyadır və bu addımlar olacaq. Donald Trampdan daha aktiv hərəkətlər gözlənilə bilər”.
“Bu hallar regional sabitliyə təsir edəcək amma bu işlərin böyük hökmü yoxdur. Təəssüf ki, amerikalılar erməni irsinin qorunmasına böyük əhəmiyyət verir. Azərbaycanlılar da öz mədəni irsinin qorunması və təbliği üçün aktiv olmalıdır. Müharibənin və uzun müddətli əsarətin nəticələrinə görə biz Ermənistandan kompensasiya istəməliyik. Eyni zamanda beynəlxalq məhkəmələrə müraciət olunmalıdır. Ədalət prinsipini qorumaq üçün dayanmadan mübarizə aparmaq lazımdır”,- deyə politoloq qeyd edib.
Fidan Hacızadə
06:57 14.12.2024
Oxunuş sayı: 6960
