Siyasi şərhçi Arzuman Abdulkərimov Crossmedia.az-a uğurlar arzulayıb
Hilal Sosial Araşdırmalar Mərkəzinin rəhbəri, tanınmış siyasi şərhçi Arzuman Abdulkərimov bu gün Crossmedia.az saytının redaksiyasına qonaq gəlib. Görüş zamanı A.Abdulkərimov saytın baş redaktoru Mübariz Göyüşlü və redaksiyanın jurnalist heyəti ilə görüşüb, fikir mübadiləsi aparıb.
Söhbət zamanı ölkənin aktual siyasi məsələləri, ictimai əhəmiyyətli mövzular və media sektorunun gələcək inkişaf perspektivləri də müzakirə edilib. Arzuman Abdulkərimov fikirlərini bölüşüb, medianın cəmiyyətin inkişafındakı mühüm rolunu vurğulayıb. Tanışlıq zamanı qonaq Crossmedia.az-ın fəaliyyət prinsipləri, informasiya siyasəti və jurnalist heyətinin çalışmaları ilə də maraqlanıb.
Görüşdən sonra A.Abdulkərimov saytın ictimai-siyasi hadisələrə professional yanaşmasını yüksək qiymətləndirib və gələcəkdə də əməkdaşlıq edəcəyini söyləyib.
Baş redaktor Mübariz Göyüşlü qonağı salamlayıb və əməkdaşlıqdan məmnun olduqlarını qeyd edib. O, analitik informasiya portalı olaraq ölkədaxili ictimai-siyasi və geosiyasi prosesləri, sosial-iqtisadi mövzuları diqqətdə saxlamağa, onlarla bağlı təhlilləri, şərhləri təqdim etməyə çalışdıqlarını qeyd edib.
Görüşün sonunda gələcəkdə də əməkdaşlığı genişləndirmək qərarlaşdırılıb.
Nihat Tahirov
14:24 13.12.2024
Oxunuş sayı: 15126
