Xarici xəbərlər

İranlı millət vəkili BƏƏ-ni yeni hücumla HƏDƏLƏDİ

İran parlamentinin Milli Təhlükəsizlik Komissiyasının üzvü Əli Xəzərian Birləşmiş Ərəb Əmirliklərini (BƏƏ) ABŞ və İsraillə hərbi əməkdaşlıqda ittiham edərək sərt açıqlamalar verib.

Crossmedia.az xəbər verir ki, millət vəkili bu barədə "IRIB News"a müsahibəsində bildirib.

O qeyd edib ki, BƏƏ riskli siyasi seçimlər edir və bunun region üçün ciddi nəticələri ola bilər.

Onun sözlərinə görə, mümkün hərbi qarşıdurma halında İranın cavabı BƏƏ üçün ağır nəticələr doğura bilər. Xəzərian iddia edib ki, belə bir ssenaridə ölkənin infrastrukturuna ciddi ziyan dəyə bilər.

“Əgər hər hansı müharibə baş verərsə, BƏƏ elə bir vəziyyətə qayıda bilər ki, orada artıq texnologiya və sabitlik tapmaq mümkün olmayacaq”, – deyə o bildirib.

Millət vəkili həmçinin ölkədə yaşayan əcnəbilərə müraciət edərək, vəziyyət gərginləşmədən BƏƏ-ni tərk etməyi tövsiyə edib.

🖨 Çap et

18:48 29.04.2026

Oxunuş sayı: 169