Merz: Avropa İran müharibəsinin nəticələrindən əziyyət çəkir
Almaniya kansleri Fridrix Merz bildirib ki, Hörmüz boğazında yaranan gərginlik və mümkün məhdudiyyətlər Almaniyanın enerji təchizatına birbaşa təsir göstərir və iqtisadi göstəricilərə ciddi təzyiq yaradır.
Crossmedia.az bu barədə xarici mediaya istinadən xəbər verir.
Merz qeyd edib ki, İranla bağlı müharibənin gedişi və nəticələri barədə əvvəldən müəyyən şübhələri olub. Onun sözlərinə görə, hazırkı vəziyyət yalnız regionu deyil, Avropa ölkələrini də ciddi şəkildə təsirləndirir.
“İrandakı müharibənin nə ilə başladığına dair əvvəldən şübhələrim var idi. Almaniyada və Avropada biz nəticələrdən — xüsusilə Hörmüz boğazındakı vəziyyətdən — çox əziyyət çəkirik”, – deyə kansler bildirib.
O əlavə edib ki, bu cür inkişaflar enerji təchizatında risklər yaradır və Almaniya iqtisadiyyatına ciddi təsir göstərir. Merz münaqişənin gərginləşməsinin qarşısının alınması və diplomatik həllin vacibliyini də vurğulayıb.
18:40 29.04.2026
Oxunuş sayı: 38
