Ermənistanın məqsədi revanşizmdir
Ermənistanla sülh müqaviləsi ilə bağlı aparılan danışıqlarda hələ yekun razılaşma əldə olunmayıb. Tərəflər arasında davam edən müzakirələr, müəyyən anlaşma və irəliləyişlər olsa da, konkret nəticə yoxdur.
Mövzu ilə bağlı politoloq Əziz Əlibəyli Crossmedia.az-a açıqlama verib. Onun sözlərinə görə “Paşinyanın açıqlamaları sülhə, nəticəyə doğru yox, gərginliyə aparır. Bu gedişat onu göstərir ki, qısa müddət ərzində deyilən şablon sülh layihəsi fikrləri özünü doğrultmur. Çünki Ermənistanın sürətli silahlanması və son aylarda Ermənistan Konstitusiyasının müzakirə mövzusu olması, bunun üzərindən Paşinyanın Azərbaycanı ittiham etməsi ciddi toqquşmaya aparır. Bu da Ermənistanın Konstituasiya dəyişikliyi etməyə yox, Azərbaycana qarşı ərazi iddiaları səsləndirməyə gətirib çıxarır. Ermənistan bundan imtina etmir. Əksinə olaraq bildirir ki, Azərbaycanın Konstitusiyasında da Ermənistana ərazi iddiası var”.
Politoloq bu kimi məsələlərin sülh müqaviləsi bağlamağa deyil, ondan qaçmağa hesablandığını vurğulayıb. “Çünki Ermənistan dünyada baş verənləri izləyir və elə hesab edir ki, Azərbaycanın əleyhinə hər hansı qlobal problem baş verdisə, Ermənistan da bundan istifadə edərək vəziyyəti eyniləşdirə və revanş ala biləcək”.
Fidan Hacızadə
13:51 12.12.2024
Oxunuş sayı: 13202
