Lənkəranda maşın təmiri sexində partlayış olub
Lənkəranda maşın təmiri sexində partlayış baş verib.
Crossmedia.az xəbər verir ki, hadisə şəhər ərazisində baş verib.
Belə ki, şəhərin Füzuli küçəsində avtomobil təmiri sexində işləyən 1991-ci il təvəllüdlü İlham Şahvəli oğlu Qasımlının benzinlə ehtiyatsız davranması nəticəsində partlayış baş verib.
İ. Qasımlı Lənkəran Rayon Mərkəzi Xəstəxanasına çatdırılıb. Ona bədənin çoxsaylı yanığı, üz və hər iki qolun 2-ci dərəcəli termiki yanığı diaqnozu təyin edilib. Xəsarət alana ilkin tibbi yardım göstərilib və reanimasiya şöbəsinə yerləşdirilib.
Hazırda onun vəziyyəti orta ağır qiymətləndirilir.
Faktla bağlı araşdırma aparılır.(Report)
18:00 19.04.2026
Oxunuş sayı: 51
