Zelenski Norveçə gedib
Ukrayna Prezidenti Volodimir Zelenski gözlənilməz səfərlə Norveçin paytaxtı Osloya gedib.
Crossmedia.az xəbər verir ki, bu barədə Norveç hökuməti məlumat yayıb.
Ukrayna lideri ilə Norveçin Baş naziri Yonas Qar Störenin Ukraynaya davamlı dəstək də daxil olmaqla müxtəlif mövzuları müzakirə etmək üçün görüşəcəyi açıqlanıb. İki siyasətçi arasında birgə mətbuat konfransı planlaşdırılır.
Norveçin baş naziri deyib: "Volodimir Zelenskini Norveçdə qarşılamaq fürsətindən məmnunam. Konstruktiv danışıqlarımızı səbirsizliklə gözləyirəm. Norveç Ukraynanın özünümüdafiə mübarizəsini dəstəkləməyə davam edəcək. Biz Ukraynaya azadlıq və demokratiya uğrunda mübarizəsində kömək etmək üçün məqsədyönlü, uzunmüddətli dəstək veririk. Ukraynanın səyləri Norveçdə azadlıq və təhlükəsizliyin təmin edilməsi üçün də vacibdir".
Zelenski həmçinin bu gün Osloda keçiriləcək Şimal Zirvə Görüşündə iştirak edəcək. Müdafiə və təhlükəsizlik sahəsində birgə iş əsas mövzular arasında olacaq.
20:55 14.04.2026
Oxunuş sayı: 47
