Xarici xəbərlər

İsrail Qərb Sahilində 34 yeni yaşayış məntəqəsini gizli şəkildə TƏSDİQLƏYİB

İsrail Nazirlər Kabinetinin İordan çayının qərb sahilində 34 yeni yaşayış məntəqəsinin tikintisini gizli şəkildə təsdiqlədiyi bildirilir.

Crossmedia.az bu barədə xarici mediaya istinadən xəbər verir.

Bu addım müharibə dövründə bölgədə ən genişmiqyaslı məskunlaşma qərarlarından biri kimi qiymətləndirilir.

Məlumata görə, yeni qərarla təsdiqlənmiş yaşayış məntəqələrinin ümumi sayı 69-dan 103-ə yüksələcək. Qərarın ABŞ-nin mümkün təzyiqlərindən yayınmaq məqsədilə ictimaiyyətdən gizli saxlanıldığı iddia olunur.

İsrail ordusu isə proseslə bağlı resurs çatışmazlığı narahatlığını dilə gətirib və layihələrin mərhələli şəkildə həyata keçirilməsini tövsiyə edib. Lakin hökumət bu təklifləri qəbul etməyib.

Bildirilib ki, planlaşdırılan bəzi yaşayış məntəqələrinin Fələstin anklavları daxilində yerləşdirilməsi nəzərdə tutulur. Bu isə bölgədə gərginliyin daha da artacağı ilə bağlı narahatlıqları gücləndirir.

🖨 Çap et

13:23 09.04.2026

Oxunuş sayı: 54