SEPAH Hörmüz boğazından keçən gəmilər üçün yeni qaydalar tətbiq edib
İranın İslam İnqilabı Keşikçiləri Korpusu (SEPAH) Hörmüz boğazından keçən gəmilər üçün yeni hərəkət qaydaları müəyyənləşdirib.
Crossmedia.az bu barədə xarici mediaya istinadən xəbər verir.
SEPAH mediasının yaydığı məlumata görə, yeni qaydalar dəniz təhlükəsizliyinin təmin olunması və gəmilərin dəniz minaları ilə mümkün toqquşmalarının qarşısını almaq məqsədi daşıyır. Bu çərçivədə gəmilərə alternativ marşrutlardan istifadə etmək tövsiyə olunur.
Bəyanatda qeyd olunub ki, alternativ marşrutları əks etdirən xüsusi xəritə də təqdim edilib.
Yeni təlimatlara əsasən:
Oman dənizindən Hörmüz boğazına daxil olan gəmilər Larək adasının şimalından keçərək Fars körfəzinə doğru hərəkət etməlidir;
Fars körfəzindən çıxan gəmilər isə körfəzdən ayrıldıqdan sonra Larək adasının cənubundan keçərək Oman dənizinə istiqamətlənməlidir.
09:42 09.04.2026
Oxunuş sayı: 55
