Xarici xəbərlər

İranda izdiham: ABŞ-la atəşkəs küçələrdə qeyd olunur

ABŞ Prezidenti Donald Trampın İranla müvəqqəti atəşkəsə razılaşması ilə bağlı açıqlamasından sonra ölkənin bir sıra şəhərlərində kütləvi toplaşmalar qeydə alınıb.

Crossmedia.az bu barədə xarici mediaya istinadən xəbər verir.

Tehran, İsfahan və Kerman şəhərlərində insanlar küçələrə axışaraq atəşkəsi qeyd edib. Bəzi nümayişçilər ABŞ və İsrail bayraqlarını yandırıb, “Amerikaya və İsrailə ölüm” şüarları səsləndiriblər.

İran mediası bu hadisəni ABŞ və İsrail üçün “tarixi və sarsıdıcı məğlubiyyət” kimi təqdim edib.

Məlumata əsasən, Vaşinqtonun İranın irəli sürdüyü 10 maddəlik təklifi qəbul etdiyi bildirilir. Təklifə daimi atəşkəs, sanksiyaların aradan qaldırılması və ABŞ qoşunlarının bölgədən geri çəkilməsi daxildir.

Hazırda tərəflər arasında əldə olunan razılaşmanın detalları və uzunmüddətli təsirləri diqqət mərkəzindədir.

🖨 Çap et

15:08 08.04.2026

Oxunuş sayı: 48