Xarici xəbərlər
ABŞ senatoru: Briqadamız Yaxın Şərqə yola düşür
ABŞ-İsrail-İran gərginliyi fonunda Arkanzas ştatının senatoru Tom Kotton bu gün “X” hesabında paylaşım edərək, 142-ci Sahə Artilleriya Briqadasının Yaxın Şərqə göndərildiyini açıqlayıb.
Crossmedia.az bu barədə xarici mediaya istinadən xəbər verir.
Kotton paylaşımında qeyd edib:
“Bu gün Arkanzasdan olan 142-ci Sahə Artilleriya Briqadasının cəsur kişi və qadınları Yaxın Şərqə gedir.”
142-ci Sahə Artilleriya Briqadası, ABŞ ordusunun uzaq məsafədən atəş dəstəyi təmin edən əsas artilleriya qüvvələrindən biridir və regionda hərbi mövqelərin gücləndirilməsi məqsədilə göndərilir.
Hərbi ekspertlər bu addımı ABŞ-ın İran və İsrail ətrafındakı strateji mövqeyini möhkəmləndirmək cəhdi kimi qiymətləndirir.
18:50 07.04.2026
Oxunuş sayı: 63
