Xarici xəbərlər

Laricaninin niyə hədəfə alındığı açıqlanıb

Martın 17-si CNN telekanalının İran əsilli britaniyalı müxbiri Kristin Amanpur sosial şəbəkədə paylaşım edərək İran Ali Milli Təhlükəsizlik Şurasının öldürülmüş katibi Əli Laricaninin hədəfə alınma səbəblərini açıqlayıb.

Crossmedia.az bu barədə xarici mediaya istinadən xəbər verir.

Amanpurun adını açıqlamadığı mənbələrə istinadən verdiyi məlumata görə, Laricani keçid dövrünün namizədi hesab edilirdi və 2025-ci ilin sentyabr ayına olan məlumatlara görə ABŞ və İsrail üçün ən çox üstünlük verilən namizədlərdən biri olub.

Məlumatda qeyd edilir ki, Laricani 2026-cı ilin fevral ayının əvvəlində hədəfə alınıb. Bunun əsas səbəbləri aşağıdakılardır:

Etirazçılara qarşı təzyiqlərdə iştirak etməsi;
ABŞ və İsrailə qarşı sərt mövqeyi ilə ön plana çıxması;
Körfəz Əməkdaşlıq Şurası ölkələrinə qarşı SEPAH-ın hərbi strategiyasının hazırlanmasında əsas rol oynaması.