Xarici xəbərlər

ABŞ Kəşfiyyat Mərkəzinin direktoru İranla müharibəyə etiraz edərək istefa verdi

ABŞ-nin Milli Kəşfiyyat və Terrorla Mübarizə Mərkəzinin direktoru Cozef Kent İranla bağlı davam edən müharibəyə etiraz olaraq istefa verib.

Crossmedia.az bu barədə xarici mediaya istinadən xəbər verir. Kent açıqlamasında hazırkı qarşıdurmanı mənəvi baxımdan dəstəkləyə bilmədiyini və İranın ABŞ üçün birbaşa təhlükə yaratmadığını bildirib.

O, hərbi keçmişinə istinad edərək 11 dəfə müharibədə iştirak etdiyini və həyat yoldaşı Shannon Kentin İsrailin təşviq etdiyi münaqişə fonunda həyatını itirdiyini qeyd edib. Kent vurğulayıb ki, hazırkı müharibə ABŞ xalqına real fayda gətirmir və amerikalı gənclərin belə bir münaqişədə həyatını itirməsi əsassızdır.

Kent həmçinin iddia edib ki, müharibənin başlanmasında İsrail və onun ABŞ daxilindəki təsir imkanlarının rolu olub. O, yüksək səviyyəli israilli rəsmilərin və medianın ABŞ-ı İranla müharibəyə sürükləmək üçün dezinformasiya kampaniyası apardığını bildirib. Kent bu kampaniyanın məqsədinin İranı qaçılmaz təhlükə kimi təqdim etmək və sürətli qələbə illüziyası yaratmaq olduğunu qeyd edib.

Sonda Kent ABŞ rəhbərliyinə, xüsusilə Donald Trampa müraciət edərək İranda aparılan əməliyyatların mahiyyətini və kimin maraqlarına xidmət etdiyini ciddi şəkildə dəyərləndirməyə çağırıb.

Ekspertlər Kentin istefasını həm fərdi qərar, həm də ABŞ daxilində İranla müharibəyə münasibətdə fikir ayrılıqlarının dərinləşdiyini göstərən əhəmiyyətli siqnal kimi qiymətləndirirlər.

🖨 Çap et

12:05 18.03.2026

Oxunuş sayı: 48