Müdafiə naziri xəbərdarlıq etdi: Türkiyə hazır olmalıdır
İsrailin keçmiş baş naziri Naftali Bennet Qüdsdə Amerika-Yəhudi təşkilatlarının konfransında çıxışı zamanı Türkiyəni regionda potensial təhlükə kimi qiymətləndirib.
Crossmedia.az bu barədə xarici mediaya istinadən xəbər verir. O bildirib ki, Rəcəb Tayyib Ərdoğan İsraili mühasirəyə almağa çalışan təcrübəli və təhlükəli siyasətçidir və bu vəziyyətə artıq göz yumulmamalıdır.
Digər tərəfdən, Türkiyənin müdafiə naziri Yaşar Gülər İsrailin Türkiyəyə hücum etmək imkanına malik olduğunu qeyd edib və ölkənin hər an müharibəyə hazır olmasının vacibliyini vurğulayıb.
Xatırladaq ki, Türkiyə prezidenti Ərdoğan daha əvvəl İsrailin baş naziri Benyamin Netanyahunu ölkə üçün “ən böyük bəla” adlandırmışdı.
Analitiklər hesab edirlər ki, qarşılıqlı sərt bəyanatlar regionda gərginliyin artdığını və tərəflər arasında münasibətlərin daha da kəskinləşə biləcəyini göstərir.
10:07 18.03.2026
Oxunuş sayı: 46
