Xarici xəbərlər

İranda hakimiyyət daxilində fikir ayrılığı: post-müharibə planı yoxdur

İranda hakimiyyət daxilində ciddi fikir ayrılıqları yaranıb.

Crossmedia.az bu barədə xarici mediaya istinadən xəbər verir.

Hökumət rəsmiləri ilə SEPAH komandanları arasında keçirilən qeyri-rəsmi görüşdə ölkənin gələcəyi ilə bağlı strategiya məsələsində mübahisələr yaşanıb.

Məlumata görə, SEPAH İran–ABŞ–İsrail qarşıdurmasından sonrakı dövr üçün aydın plan hazırlamayıb və əsas diqqətini münaqişənin nəticələrini idarə etməkdən çox, onun davam etdirilməsinə yönəldib.

İran Prezidenti Məsud Pezeşkian görüş zamanı müharibədən sonra ölkənin qarşılaşacağı iqtisadi çətinliklər və artan ictimai narazılıq barədə xəbərdarlıq edib. O, SEPAH-ı post-müharibə dövründə iqtisadi planlaşdırmada hökumətlə əməkdaşlığa çağırıb.

Lakin SEPAH buna qarşı çıxaraq müharibənin cəmiyyətin rejim ətrafında birləşməsinə xidmət etdiyini iddia edib. Pezeşkian bu yanaşmanı sərt tənqid edib və bunun planlaşdırma olmadığını, eyni zamanda müharibədən sonra yeni etirazların zorla yatırılma ehtimalının yüksək olduğunu vurğulayıb.

🖨 Çap et

15:00 17.03.2026

Oxunuş sayı: 46