Bağdadda ABŞ səfirliyinə hücum: Dronlar və raketlər işə düşdü
İranın ABŞ-nin Bağdad şəhərində yerləşən səfirliyinə qarşı ən güclü hücumlardan birini həyata keçirdiyi iddia olunur.
Crossmedia.az xəbər verir ki, "Reuters" agentliyinin yaydığı məlumata görə, Bağdaddakı ABŞ səfirliyi raket və pilotsuz uçuş aparatları ilə hədəfə alınıb.
İraq təhlükəsizlik mənbələrinin bildirdiyinə əsasən, hücum ən azı beş dron vasitəsilə həyata keçirilib. Bu, ABŞ və İsrailin İrana qarşı mümkün hərbi əməliyyatlarının başlanmasından sonra qeydə alınan ən şiddətli hücumlardan biri kimi qiymətləndirilir.
Məlumata görə, səfirliyin müdafiəsində istifadə olunan C-RAM hava hücumundan müdafiə sistemi dronlardan ikisini məhv edib. Digər bir pilotsuz aparat isə səfirlik ərazisinə düşərək yanğına və güclü tüstüyə səbəb olub.
Hadisə ilə bağlı rəsmi qurumlar tərəfindən əlavə məlumatların verilməsi gözlənilir.
14:26 17.03.2026
Oxunuş sayı: 52
