Fuceyra limanına hücum – bəzi əməliyyatlar dayandırıldı
Fuceyra Limanı pilotsuz uçuş aparatları ilə hücuma məruz qalıb. Hadisədən sonra limanın fəaliyyəti qismən məhdudlaşdırılıb.
Crosmedia.az bu barədə xarici mediaya əsasən xəbər verir
Məlumata görə, hücum zamanı bir neçə pilotsuz uçuş aparatı liman ərazisini hədəf alıb.
Hadisə nəticəsində limanda təhlükəsizlik tədbirləri gücləndirilib və bəzi əməliyyatlar müvəqqəti olaraq dayandırılıb.
Birləşmiş Ərəb Əmirliklərinin mühüm dəniz nəqliyyatı mərkəzlərindən biri hesab edilən Fuceyra limanı əsas neft və yük daşımalarının həyata keçirildiyi strateji məntəqələrdən biridir.
Hadisə ilə bağlı araşdırma aparılır. Rəsmi qurumlar limanın fəaliyyətinin tam bərpası üçün tədbirlərin görüldüyünü bildiriblər.
Fidan Şahkərəmova
14:42 14.03.2026
Oxunuş sayı: 42
