Təhsil diplomla yekunlaşır? Ömürboyu Təhsil Azərbaycanda təhsil anlayışını necə dəyişir?
Bir zamanlar universitet diplomu karyera pilləkənində ən son və ən yüksək zirvə hesab olunurdu. Diplomunuzu alırdınız və hesab edirdiniz ki, bu biliklər sizə ömrünüzün sonuna qədər bəs edəcək. Lakin 2026-cı ilin reallığı fərqlidir: Bu gün biliklərin "istifadə müddəti" heç olmadığı qədər qısalıb. İndi dünya başqa bir konsepsiyadan danışır: Lifelong Learning (Ömürboyu Təhsil).
Lifelong Learning nədir və bizə niyə lazımdır?
Qısaca desək, ömürboyu təhsil – insanın şəxsi və ya peşəkar səbəblərdən asılı olmayaraq, həyatı boyu davam etdirdiyi "könüllü və motivasiyalı" öyrənmə prosesidir.
Azərbaycanda bu mədəniyyəti kim formalaşdırır?
Ölkəmizdə bu sahədə ən diqqətçəkən addımlardan birini Qərbi Kaspi Universiteti atıb. Universitetin nəzdində fəaliyyət göstərən Lifelong Learning Center (Ömürboyu Təhsil Mərkəzi) məhz bu boşluğu doldurmaq üçün yaradılıb.
Burada təhsil sadəcə "tələbə bileti" olanlar üçün deyil. Mərkəz fərqli fiziki imkanlara sahib şəxslər, karyerasına ara vermiş analar, təqaüd yaşında yeni hobbi və ya peşə axtaranlar – bir sözlə, hər kəs üçün inklüziv mühit təklif edir. Qərbi Kaspi Universitetinin bu yanaşması sübut edir ki, öyrənməyin yaşı, məkanı və sərhədi yoxdur.
Niyə məhz bu mərkəz?
Mərkəzin proqramları akademik nəzəriyyədən daha çox, bazarın real tələblərinə fokuslanıb. Burada təklif olunan kurslar və təlimlər insanların həm hard skills (sərt bacarıqlar), həm də soft skills (yumuşaq bacarıqlar) bacarıqlarını inkişaf etdirməyə hədəflənib.
Azərbaycanda bu mədəniyyətin formalaşması üçün Qərbi Kaspi Universitetinin Ömürboyu Təhsil Mərkəzi kimi platformaların fəaliyyəti, əslində bir təhsil trendindən daha çox, gələcəyin yaşayış modelini təmsil edir. Çünki əsl inklüziv cəmiyyət və güclü fərd, öyrənməyi dayandırdığı deyil, hər yaşda yenidən başlamağa cəsarəti çatdığı zaman formalaşır. Sonda hər birimiz üçün sual eynidir: Biz bu sürətlə dəyişən dünyaya adaptasiya olmağa və hər gün yenilənməyə hazırıqmı?
14:50 02.02.2026
Oxunuş sayı: 600
