“Qarabağ” Çempionlar Liqasında play-off mərhələsinə yüksəldi – 10 il sonra MDB-dən ilk klub
Azərbaycanın “Qarabağ” futbol klubu 10 ildən sonra Çempionlar Liqasında play-off mərhələsinə yüksələn ilk MDB klubu olub. Bu barədə Rusiya KİV-ləri məlumat yayıb.
Crossmedia.az Azerisport.com-a istinadən məlumat verir ki, “Qarabağ” ümumi mərhələnin 8-ci turunda səfərdə “Liverpul”a 0:6 hesabı ilə uduzub. Lakin turnir cədvəlində 22-ci yer tutaraq play-off mərhələsinə vəsiqə qazanıb. Sonuncu dəfə MDB-dən Çempionlar Liqasında play-offa yüksələn klub 2016-cı ildə 1/8 finala çıxan “Zenit” olub.
Tarixi nailiyyət sayılan bu uğurla “Qarabağ” ilk dəfə 1/8 finala çıxmaq üçün təsnifat oyununda iştirak edəcək. Rəqibi püşkatmada müəyyənləşəcək və ya Paris Sen-Jermen (PSJ), ya da “Nyukasl”la qarşılaşacaq.
Analitiklər bildirir ki, bu nəticə Azərbaycan futbolu üçün böyük önəm daşıyır və kluba Avropada daha yüksək səviyyədə rəqabət aparmaq imkanı yaradır.
13:23 30.01.2026
Oxunuş sayı: 446
