Nüvə danışıqları iflas etdi: Tramp İrana zərbə variantını gündəmə gətirdi
ABŞ prezidenti Donald Tramp İranla aparılan nüvə danışıqlarında irəliləyiş əldə olunmamasından sonra Tehrana qarşı yeni və genişmiqyaslı hərbi zərbələr endirməyi nəzərdən keçirir.
Crossmedia.az bu barədə CNN-ə istinadən xəbər verir.
Vaşinqton və Tehran arasında İranın nüvə proqramının və ballistik raket istehsalının məhdudlaşdırılması ilə bağlı aparılan ilkin danışıqlar nəticəsiz qalıb.
Bu isə Tramp administrasiyasını İrana qarşı daha sərt addımları gündəmə gətirməyə vadar edib.
Ağ Ev liderinin son təhdidləri İranda kəskin reaksiya ilə qarşılanıb. Tehran ABŞ-nin istənilən hərbi əməliyyatına dərhal cavab veriləcəyini bəyan edib.
İranın Ali dini rəhbəri Seyid Əli Xameneinin baş müşavirlərindən biri mümkün hücum halında İsrailin hədəf alınacağını bildirib.
Qeyd olunur ki, bu addım ABŞ administrasiyasının İranla bağlı əvvəlcədən müəyyən etdiyi hədəflərin sürətlə yenidən nəzərdən keçirildiyini göstərir. Trampın İranda mümkün ümumxalq etirazlarına dəstək kimi təqdim etdiyi hərbi variantları ciddi şəkildə müzakirə etməsindən cəmi bir neçə həftə keçib.
00:10 30.01.2026
Oxunuş sayı: 478
