Ermənistandan gözlənilməz mesaj: Azərbaycanla sərhədlər açılır?
Ermənistan Prezidenti Vaaqn Xaçaturyan Ermənistan–Azərbaycan münasibətlərinin normallaşdırılması prosesinə dair mühüm açıqlamalar verib.
Crossmedia.az xəbər verir ki, prezident bildirib ki, tərəflər arasında aydın razılaşmalar və dəqiq prinsiplər mövcuddur.
Onun sözlərinə görə, bu prinsiplər hər iki ölkənin ərazi bütövlüyünə, suverenliyinə və yurisdiksiyasına qarşılıqlı hörmət əsasında formalaşıb və gələcək addımlar məhz bu baza üzərində atılacaq.
Prezident vurğulayıb ki, razılaşmalara uyğun olaraq sərhədlərin açılması nəzərdə tutulur.
Ermənistan Prezidenti qeyd edib ki, növbəti illərdə Ermənistan və Azərbaycan vətəndaşlarının sərhədi keçə bilməsi, ticarətlə məşğul olması və regional üstünlüklərdən yararlanması üçün normal və davamlı mexanizm formalaşacaq. Onun fikrincə, bu proses regionda uzunmüddətli sabitliyə və əməkdaşlığa töhfə verə bilər.
22:00 20.01.2026
Oxunuş sayı: 1831
