54 ildən sonra ilk addım: NASA bu il Aya insan göndərəcək
NASA 54 ildən sonra yenidən Aya insan göndərməyə hazırlaşır.
Crossmedia.az xəbər verir ki, ABŞ Kosmik Agentliyinin Artemis proqramı çərçivəsində ilk ekipajlı missiyanın bu ilin fevral ayında həyata keçirilməsi planlaşdırılır.
Belə ki, Artemis II missiyası 1972-ci ildə baş tutan son Apollo uçuşundan sonra kosmonavtların ilk dəfə Yer orbitindən kənara çıxmasını təmin edəcək.
Uçuş zamanı kosmonavtlar Ay ətrafında dövrə vuracaq, lakin Ay səthinə eniş nəzərdə tutulmur.
Qeyd edək ki, missiyanın əsas məqsədi Orion kosmik gəmisinin sistemlərini sınaqdan keçirmək və gələcək Ay missiyaları üçün texniki imkanları qiymətləndirməkdir.
Fatimə Məmmədova
11:41 04.01.2026
Oxunuş sayı: 2436
