Avstraliya Azərbaycan Assosiasiyasından Həmrəylik Günü və Yeni il təbriki
Avstraliya Azərbaycan Assosiasiyasının prezidenti Mikayil Oyta Dünya Azərbaycanlılarının Həmrəyliyi Günü və Yeni il münasibətilə təbrik ünvanlayıb. O,təbrikində bütün dünya azərbaycanlılarını səmimi-qəlbdən təbrik edərək, böyük Azərbaycan xalqına möhkəm can sağlığı, rifah, firavanlıq, sülh və əmin-amanlıq arzulayıb. O, 2026-cı ilin Azərbaycan xalqı üçün birlik, güc və yeni uğurlar ili olacağına inamını ifadə edib.
Crossmedia.az xəbər verir ki,təbrikdə qeyd olunub ki, 31 Dekabr – Dünya Azərbaycanlılarının Həmrəyliyi Günü dünyanın müxtəlif guşələrinə səpələnmiş 55 milyondan artıq azərbaycanlının milli birliyini, kimliyini və mənəvi gücünü təcəssüm etdirən əlamətdar gündür. Bu tarix, Azərbaycan xalqının zəngin mədəniyyətini, irsini və dövlətçilik ənənələrini beynəlxalq aləmdə layiqincə təmsil etdiyini bir daha nümayiş etdirir.
Təbrik mətnində vurğulanıb ki, bu gün güclü və müstəqil Azərbaycan dövlətinin mövcudluğu, onun beynəlxalq nüfuzunun artması və xalqın etimadını qazanan siyasət Prezident İlham Əliyevin uzaqgörən liderliyi ilə birbaşa bağlıdır.
Assosiasiya prezidenti bildirib ki, dövlətçiliyə qarşı yönəlmiş hər cür təxribat və çevriliş cəhdlərinin qarşısının alınması və milli birliyin qorunması hər bir azərbaycanlının mənəvi borcudur.
Nastya Qəniyeva
18:55 30.12.2025
Oxunuş sayı: 1118
