Naxçıvanlı atlet Prezident kubokunun qalibi olub
Dekabrın 21-i Qəbələ şəhərində “Konstitusiya və Suverenlik İli” çərçivəsində “Qürurla irəli” şüarı altında Prezident kuboku uğrunda 12 kilometr məsafəyə qaçış yarışı keçilib.
Crossmedia.az-ın əlumatına görə Naxçıvan Muxtar Respublikası Gənclər və İdman Nazirliyinin mətbuat xidmətindən bildirilib ki, iştirakçılar Heydər Əliyev parkından (Həzi Aslanov küçəsi) başlayaraq Laza kəndi istiqamətinə, sonra isə geriyə - start-finiş nöqtəsinə doğru irəliləyiblər. Turnirdə ümumi, eləcə də 40+, 50+ və 60+ yaş kateqoriyaları üzrə kişi və qadın idmançılar mübarizə aparıblar.
Yarışa Naxçıvan Muxtar Respublikasından qatılan və kişilər arasında mübarizə aparan Əmrah Nağıyev məsafəni 00:43:56 vaxt göstəricisi ilə tamamlayaraq qalib olub. İdmançı kişilər arasında birinci yerə sahib çıxan Ə.Nağıyevə qızıl medal, diplom, pul mükafatı və Prezident kuboku təqdim olunub.
22:10 21.12.2025
Oxunuş sayı: 1023
