Gənclər və İdman

"Qarabağ" "Qəbələ"ni məğlub etdi

Misli Premyer Liqasında XVI turun daha bir oyunu keçirilib.

Crossmedia.az xəbər verir ki, günün ilk matçında "Qarabağ" "Qəbələ"nin qonağı olub.

Qarşılaşma "köhlən atlar"ın qələbəsi ilə bitib - 2:1.

Meydan sahiblərinin heyətində 6-cı dəqiqədə Prins Ovusu fərqlənib.

Ağdam klubunda 27-ci dəqiqədə Bədavo Hüseynov, 79-cu dəqiqədə Marko Yankoviç adını tabloya yazdırıb.

Xallarının sayını 36-ya çatdıran "Qarabağ" hazırda liderdir. "Qəbələ" 8 xalla 11-cidir.

Günün ikinci matçında "Araz-Naxçıvan" "Şamaxı" ilə üz-üzə gələcək.

Qeyd edək ki, XVI tura dekabrın 22-də "Sumqayıt" - "Sabah" oyunu ilə yekun vurulacaq. Daha əvvəl "Turan Tovuz" "Kəpəz"i (2:0), "Neftçi" "Karvan-Yevlax"ı (2:1) məğlub edib. "Zirə" - "İmişli" qarşılaşmasında qolsuz heç-heçə qeydə alınıb.

🖨 Çap et

18:45 21.12.2025

Oxunuş sayı: 1015