Kamboca: Tailandla sərhəd münaqişəsində ölənlərin sayı 17-yə çatıb
Kamboca Milli Müdafiə Nazirliyinin sözçüsü, general-leytenant Mali Soçeata bildirib ki, bu ayın əvvəlindən bəri Tailandla sərhəddə yaşanan gərginlik nəticəsində həlak olan kambocalıların sayı 17-yə yüksəlib.
Crossmedia.az xarici KİV-ə istinadən xəbər verir. Soçeatanın sözlərinə görə, Tailand ordusu 2025-ci il dekabrın 7-də hücuma başladıqdan sonra biri körpə olmaqla 17 nəfər ölüb, 77 nəfər isə yaralanıb.
Kamboca Müdafiə Nazirliyinin sözçüsü Tailand ordusunu bütün təcavüz aktlarını dayandırmağa çağırıb. “Kamboca Müdafiə Nazirliyi bir daha Tailand ordusundan dezinformasiyanın yayılmasını dayandırmağı, ayrı-seçkilik etmədən, xüsusilə günahsız mülki şəxslərə və mülki infrastruktura qarşı hücumlara son qoymağı tələb edir”, - deyə Mali Soçeata qeyd edib.
Türkan Kərimli
11:25 17.12.2025
Oxunuş sayı: 1075
