Ermənistan və Lüksemburq strateji tərəfdaşlıq haqqında bəyannamə imzaladı
Ermənistan və Lüksemburq arasında münasibətlər yeni mərhələyə qədəm qoyub. Belə ki, iki ölkənin xarici işlər nazirləri qarşılıqlı əməkdaşlığın dərinləşdirilməsini nəzərdə tutan strateji tərəfdaşlıq haqqında bəyannamə imzalayıblar.
Crossmedia.az xəbər verir ki,sənəd siyasi dialoqun genişləndirilməsi, beynəlxalq platformalarda qarşılıqlı dəstəyin gücləndirilməsi, eləcə də iqtisadi, humanitar və mədəni sahələrdə əməkdaşlığın inkişafını nəzərdə tutur. Tərəflər regional və qlobal təhlükəsizlik məsələləri üzrə məsləhətləşmələrin intensivləşdirilməsinin vacibliyini də vurğulayıblar.
Nazirlər qeyd ediblər ki, imzalanan bəyannamə Ermənistan–Lüksemburq münasibətlərinin institusional əsaslarının möhkəmləndirilməsinə xidmət edəcək və gələcəkdə birgə layihələrin həyata keçirilməsi üçün yeni imkanlar açacaq.
Nastya Qəniyeva
10:44 17.12.2025
Oxunuş sayı: 988
