Orban hakimiyyəti qorumaq üçün seçki və idarəetmə dəyişiklikləri planlaşdırır
Macarıstanın baş naziri Viktor Orban hakimiyyətdə qalmaq üçün bir sıra siyasi və seçki islahatları üzərində işləyir.
Crossmedia.az xarici KİV-ə istinadən xəbər verir ki, məlumata görə, o, seçki dairələrində dəyişiklik edərək mühafizəkar elektoratın üstünlük təşkil etdiyi bölgələrdə mandat sayını artırmaq niyyətindədir ki, bu da hakim partiyaya parlamentdə daha çox yer qazandıra bilər.
Bundan əlavə, Orban onlayn səsverməyə nəzarət mexanizmlərinin gücləndirilməsini, eləcə də seçki məntəqələrində müşahidə qaydalarının dəyişdirilməsini təklif edir.
Ən mühüm plan isə prezidentin səlahiyyətlərinin artırılmasıdır. Orban prezidentə parlament qərarlarına veto hüququ verilməsini istəyir və bu məsələni ABŞ-ın keçmiş prezidenti Donald Trampla da müzakirə edərək onun dəstəyini aldığı bildirilir.
Qeyd olunur ki, Orbanın gələn il keçiriləcək seçkilərdə məğlub olma ehtimalı yüksəkdir. Sorğulara görə, müxalifət lideri Peter Magyar təxminən 40 faiz dəstəklə öndədir və hökuməti formalaşdırmaq şansı böyükdür.
23:41 15.12.2025
Oxunuş sayı: 1316
