Səudiyyə vəliəhdi “Barselona”nı almaq niyyətindədir
Səudiyyə Ərəbistanının vəliəhdi Məhəmməd bin Salman “Barselona” futbol klubunun satın alınması imkanını dəyərləndirir.
Crossmedia.az xəbər verir ki, Bu barədə El Chiringuito jurnalisti Fransua Qalyardo X sosial şəbəkəsində məlumat yayıb. Mümkün razılaşmanın məbləği təxminən 10 milyard avro ola bilər. Sövdələşmə çərçivəsində klubun təxminən 2,5 milyard avro həcmində borcunun ödənilməsi və əlavə maliyyə dəstəyi də nəzərdə tutulur. Vəsaitlərin Səudiyyə Ərəbistanının Dövlət İnvestisiya Fondu vasitəsilə ayrılması planlaşdırılır.
Lakin əsas maneə “Barselona”nın mülkiyyət strukturudur. Klub azarkeşlərə məxsusdur və bu model klubun tam şəkildə xarici investora satılmasını nəzərdə tutmur.
Futbol dünyasında sular yenə də dalğalıdır - top meydanda yox, masadadır.
Sevinc Yarməmmədova
14:00 15.12.2025
Oxunuş sayı: 1256
