ABŞ-li milyarder Sidneydə terrorçunu zərərsizləşdirən şəxsə 100 min dollar ianə etdi
ABŞ-li milyarder və investisiyaçı Bill Ekman Sidneydə baş vermiş insident zamanı terrorçunu zərərsizləşdirən Əhməd əl-Əhmədə 100 min dollar məbləğində ianə edib.
Crossmedia.az xəbər verir ki,hadisədən sonra Əhməd əl-Əhmədin cəsarətli addımını dəstəkləmək məqsədilə başladılan ianə kampaniyasında qısa müddət ərzində böyük maraq yaranıb. Hazırda toplanan vəsaitin ümumi məbləği təxminən 542 min dollara çatıb.
Kampaniyanın əsas məqsədi 1 milyon dollar toplamaqdır. Təşkilatçılar bildirirlər ki, yığılan vəsait Əhməd əl-Əhmədin təhlükəsizliyinin təmin olunması, hüquqi və sosial ehtiyaclarının qarşılanması üçün nəzərdə tutulur.
Qeyd edək ki, Əhməd əl-Əhməd Sidneydə baş verən hadisə zamanı həyatını riskə ataraq terrorçunu zərərsizləşdirib və bununla da daha böyük faciənin qarşısını alıb. Onun bu addımı cəmiyyət tərəfindən qəhrəmanlıq nümunəsi kimi qiymətləndirilib.
Nastya Qəniyeva
12:45 15.12.2025
Oxunuş sayı: 912
